Kanjoos aadmi ki antim yatra

Ek kanjoos aadmi zindagi bhar apne beton ko yeh hi samjhata raha ki - beta, hamesha kam se kam kharcha karna.

Jab woh marne ki kagar par pahunch gaya, toh bete aapas mein sochne lage ki papa ki ichha ke hisaab se sabse sasta tareeka kya ho sakta hai unki antim yatra ka.

Pehela bola: Ambulance mein le chalte hain.

Doosra bola: Nahin, ambulance bahut mehengi padegi, thela gaadi mein le chalte hain.

Teesra bola: Kyun na cycle par baandh kar le chalein?

Yeh sab sunkar kanjoos se raha nahi gaya. Woh uthkar bola: Kuch mat karo! Mera kurta aur jute laa do, main paidal hi chala jaaunga!